Bizim təqvim > Mart > 25

Tarixdə bu gün: Azərbaycan

 

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub. Bu bölmədə Azərbaycan tarixinin, ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər təqvimin günləri üzrə təqdim olunur.

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə həmin kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 25 mart hansı fakt və olaylarla yadda qalıb?

 

25 mart

 

1992 – Ali Sovetin fövqəladə sessiyasında Azərbaycanda növbədənkənar prezident seçkilərinin keçirilməsi haqqında qərar qəbul edilib.

Ali Sovetin qərarına əsasən, növbədənkənar prezident seçkiləri 1992-ci il iyunun 7-nə təyin olunub.
Əlavə bax:

http://www.cec.gov.az/az/umumi/seckiler-referendumlar/1992.htm

http://azerbaycanli.org/az/page130.html

* * *

1997 – Azərbaycan prezidenti Heydər Əliyevin Ukraynaya rəsmi səfəri gedişində ikitərəfli sənədlər, o cümlədən dostluq, strateji tərəfdaşlıq və qarşılıqlı yardım haqqında müqavilə imzalanıb.

Azərbaycan prezidenti Ukraynanın ali dövlət mükafatı, "Yaroslav Mudrı" ordeni ilə təltif edilib.
Əlavə bax:

http://library.aliyev-heritage.org/az/7261817.html

http://mfa.gov.az/index.php?option=com_content&task=view&id=77&Itemid=43

 

 * * *

2000 – Milli Məclisdə Azərbaycanın Avropa Şurasına tam hüquqlu üzv qəbul olunduqdan sonra yerinə yetirməli olduğu öhdəliklər sənədi qəbul olunub.

Avropa Şurası Parlament Assambleyasının Siyasi Komitəsinin tərtib etdiyi öhdəliklər siyahısı Milli Məclisdə təmsil olunmuş siyasi partiyaların nümayəndələri tərəfindən imzalanıb.

Əlavə bax:

http://azerbaycanli.org/az/page437.html

http://www.mfa.gov.az/index.php?option=com_content&task=view&id=262&Itemid=1

http://www.kitabxana.net/files/books/file/1257161356.pdf

 

 * * *

Bax:

►24 mart

 * * *

► Bizim təqvim