“Fəxr edirəm ki, mən azərbaycanlıyam”

Heydər Əliyev
07.11.2020, 15:00
448

49 ölkədən soydaşlarımız: Bir olaq, Qarabağa dəstək olaq!

A- A+

Bayrağımızı dünyanın müxtəlif ölkələrində dalğalandırmağımızla fəxr edirik!

Diasporla İş üzrə Dövlət Komitəsi Dövlət Bayrağı Günü ilə əlaqədar dünya azərbaycanlılarının iştirakı ilə “Bir olaq, Qarabağa dəstək olaq!” adlı virtual görüş təşkil edib.

Komitədən bildirilib ki, 49 ölkədən 100-dən çox soydaşımızın qatıldığı görüş Azərbaycan Respublikasının Dövlət himninin səsləndirilməsi ilə başlayıb, ardınca şəhidlərimizin əziz xatirəsi bir dəqiqəlik sükutla yad edilib.

Komitə sədri Fuad Muradov Prezident İlham Əliyevin “Bu gün Azərbaycanın hər bir yerində dövlət bayrağı dalğalanır. Azərbaycan ərazi bütövlüyünü bərpa edəndən sonra milli dövlət bayrağımız bu gün hələ də işğal altında olan torpaqlarda qaldırılacaqdır” fikrini diqqətə çatdırıb və soydaşlarımızın hər birini Dövlət Bayrağı Günü münasibətilə təbrik edib.

Fuad Muradov Azərbaycan dövlətinin işğal altında olan torpaqlarımızı azad etmək üçün apardığı haqlı mübarizədən, Müzəffər Ali Baş Komandanın misilsiz xidmətlərindən və rəşadətli ordumuzun uğurlarından danışıb, həqiqətlərin beynəlxalq ictimaiyyətə çatdırılmasında böyük əzmkarlıq göstərən, ordumuza və mülki şəxslərə humanitar yardımını əsirgəməyən Azərbaycan diaspor təşkilatlarına, diaspor üzvlərinə minnətdarlığını çatdırıb, soydaşlarımızı erməni təxribatlarına qarşı diqqətli olmağa çağırıb.

Xaricdə yaşayan soydaşlarımız qeyd ediblər ki, Vətən torpağının hər qarışında, o cümlədən düşmən tapdağından azad olunan ərazilərimizdə əzəmətlə dalğalanan üçrəngli, ay-ulduzlu bayrağımız hər bir azərbaycanlının qəlbində qürur və fərəh hissi yaradır. Biz milli qürur mənbəyimiz olan üçrəngli bayrağımızı dünyanın müxtəlif ölkələrində dalğalandırmağımızla fəxr edirik.

Komitəyə gələrək görüşə qatılan Xalq Artisti Fəxrəddin Manafov, Türkiyədə yaşayan böyük sənətkarımız Cahangir Novruzov, Hatay Azərbaycan Evinin rəhbəri Başar Kömür və digər qonaqlar dünya azərbaycanlılarının birliyindən fəxarət hissi keçirdiklərini, bir bayraq eşqinə bir bayraq altında toplaşan dünya azərbaycanlılarının hər zaman dövlətimizin yanında olduqlarını, öz zəkası, siyasi iradəsi ilə dünyada Azərbaycanın nüfuzunu qaldıran Müzəffər Ali Baş Komandana və xalqımıza zəfər sevinci yaşadan ordumuza minnətdarlıqlarını ifadə ediblər.

Dünya azərbaycanlılarının Qarabağa dəstək aksiyalarının əks olunduğu maraqlı videogörüntülər, Türkiyədə yaşayan məşhur Manafzadələr ailəsinin ifa etdiyi “Əsgər marşı”, İsveçdəki “Qarabağ” uşaq qrupunun çıxışı dünya azərbaycanlılarının birlik toplantısının bədii-emosional ruhunu daha da zənginləşdirib.

Qarabağ üçün hər zaman bir olduqlarını, birliyimizlə tarix yazdığımızı bildirən soydaşlarımız əllərində üçrəngli bayrağımızı dalğalandıraraq görüşü möhtəşəm mənzərə ilə yekunlaşdırıblar.

Xəbərlər
Ermənilərin yerlə-yeksan etdikləri Cəbrayılda tikdikləri “ibadətgah” işğalçılığın nümunəsi idi

26.03.2021, 14:00 18

Şuşa dünyanın ən gözəl şəhərlərindən birinə çevriləcək

19.03.2021, 13:00 90

Qarabağda Türkiyə-Rusiya Birgə Monitorinq Mərkəzinin açılışı keçirilib

30.01.2021, 19:00 370

Əgər kimsə Ermənistanda revanş haqqında düşünürsə – bizim dəmir yumruğumuzu bir daha görəcək

15.01.2021, 15:00 425

2021-ci il Azərbaycanda “Nizami Gəncəvi İli” elan edilib

06.01.2021, 10:00 74

Zəfər gətirən ildən yeni zəfərlərə doğru

31.12.2020, 11:00 369

Cəbrayılın azad olunması uğrunda canından keçən igidlər

26.12.2020, 17:00 437

Azərbaycan bu məsələni özü həll etdi, halbuki Minsk qrupu 28 il mandata sahib idi

13.12.2020, 09:00 596

"Mən müstəqilliyi Azərbaycan xalqı üçün ən böyük nailiyyət hesab etmişəm"

12.12.2020, 12:00 1319

Vətən müharibəsinin möhtəşəm finalı

11.12.2020, 11:00 610

Alban-udi dini icmasının nümayəndələri Kəlbəcərdəki Xudavəng monastırını ziyarət ediblər

05.12.2020, 12:00 548

Müsəlmanlar, xristianlar, yəhudilər Vətən müharibəsi şəhidlərini yad ediblər

04.12.2020, 17:00 457

Vətən müharibəsi şəhidlərinin xatirəsi bir dəqiqəlik sükutla anılıb

04.12.2020, 14:00 352

Cənubi Qafqaz təhlükəsizlik və əməkdaşlıq baxımından yeni mərhələyə qədəm qoyur

03.12.2020, 10:00 342

Yaşasın bizim çoxmillətli Azərbaycan xalqı!

01.12.2020, 17:00 127

Redaktorun seçimi