“Fəxr edirəm ki, mən azərbaycanlıyam”

Heydər Əliyev
13.03.2015, 16:13
3397

QHT Şurası maliyyə müsabiqəsinə yekun vurub

A- A+

Şuraya təqdim olunan 584 layihədən 387-nin maliyyələşməsi barədə qərar qəbul olunub

Martın 13-də Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının növbəti iclası keçirilib. İclasda çıxış edən Şura sədri, millət vəkili  Azay Quliyev 2015-ci il birinci maliyyə yardımı müsabiqəsinin yekunları ilə bağlı fikirlərini açıqlayıb.

Şura Katibliyinin icraçı direktoru Fərasət Qurbanov 2015-ci il birinci maliyyə müsabiqəsinin 11 dekabr 2014-cü ildə elan olunduğunu və 15 yanvar 2015-ci ilədək QHT-lərin ərizələrinin qəbul edildiyini bildirib.

Şuranın elektron məlumat bazasına 584 layihə təklifi daxil olub ki, bunların 75-i müsabiqənin qayda və şərtlərinə cavab vermədiyi üçün texniki seleksiyadan keçməyib. 509 QHT-nin layihəsi ekspertizaya göndərilib. Seleksiyadan keçməyən QHT-lərə elektron bildiriş göndərilib və layihənin qeydə alınmamasının səbəbi göstərilib.

Şura üzvləri İlqar Məmmədov, Sahib Məmmədov, Əliməmməd Nuriyev, Vüqar Qədirov, Rəna Mirzəzadə və Gülnarə Hüseynova iclasda çıxış edərək gündəlikdə dayanan məsələlərlə bağlı təklif və rəylərini bildiriblər.

Şura geniş müzakirələrdən sonra büdcə komissiyasının təqdimatlarını, ekspert qiymətləndirməsini və təşkilatlar haqqında Katibliyin arayışlarını nəzərə alaraq, 387 QHT layihəsinin maliyyələşdirilməsi haqda yekun qərar qəbul edib.

İclasda Sahib Məmmədovun sədrliyi ilə apelyasiya komissiyasının yeni tərkibi müəyyən edilib. Apelyasiya komissiyasında ərizələr 19 mart 2015-ci il saat 18:00-dək qəbul ediləcək.

Azay Quliyev iclasda Şuranın 2013-cü ildən başladığı “Şuşaya Azadlıq” beynəlxalq kampaniyası çərçivəsində həyata keçirilən işlər haqqında ətraflı məlumat verib. Şura sədri beynəlxalq kampaniyanın loqosunun hazırlanması məqsədi ilə müsabiqə elan edilməsi haqqında təklifini səsləndirib. Müzakirələrdən sonra loqo müsabiqəsinin Azərbaycan Demokratik Tələbə Gənclər Təşkilatı vasitəsi ilə elan edilməsi və müvafiq maliyyə vəsaitinin ayrılması qərara alınıb.

Qeyd edək ki, 2015-ci il birinci maliyyə yardımı müsabiqəsi qaliblərinin siyahısı Şuranın www.cssn.gov.az  və www.qhtxeber.az  saytlarında yerləşdirilib. 

Müsabiqə qalibləri: /uploads/files/Musabiqe%20qalibleri_2015.docx

 

Xəbərlər
Redaktorun seçimi