“Fəxr edirəm ki, mən azərbaycanlıyam”

Heydər Əliyev
28.08.2013, 10:32
1237

Azərbaycan tarixi günbəgün: 28 avqust

A- A+

28 avqust 1918 – Azərbaycan Xalq Cümhuriyyətinin Nazirlər Şurası xalq maarifinin, orta məktəblərin milliləşdirilməsi haqqında qərar qəbil edib...

 

28 avqust 1918 – Azərbaycan Xalq Cümhuriyyətinin Nazirlər Şurası xalq maarifinin, orta məktəblərin milliləşdirilməsi haqqında qərar qəbil edib. Hökumət həmçinin ölkənin bütün məktəblərində türk (Azərbaycan) dilinin icbari qaydada tədris olunması barədə qərar qəbul edib.


28 avqust 1919 – Xalq Cümhuriyyətinin parlamenti ölkənin Azərbaycan Dövlət Bankının yaradılması barədə qanun qəbul edib. Ölkənin bank sisteminin mərkəzləşdirilməsi barədə müzakirələr hələ 1918-ci ildən getsə də, hökumət və parlament daxilində fikir ayrılıqları onun reallaşmasına imkan verməmişdi. Ölkənin maliyyə sistemində mövcud olan pərakəndəlik, manatla barabər müxtəlif pul vahidlərinin dövrniyyədə olması iqtisadi vəziyyəti durmadan ağırlaşdırırdı.


28 avqust 1935 - Görkəmli yazıçı Əlibala Qüdrət oğlu Hacızadə (1935-2009) Biləsuvar rayonunun Ağalıkənd kəndində anadan olub. “İtkin gəlin”, “Əfsanəsiz illər”, “Ayrılığın sonu yoxmuş”, “Təyyarə kölgəsi”, “Vəfalım mənim”, “Dünyanı tanı”, “Unutmaq olmur”, “Möcüzə” və digər roman, povest və hekayələrin müəllifi kimi geniş oxucu rəğbəti qazanmışdı. 

 

28 avqust 1995 – ATƏT-in fəaliyyətdə olan sədrinin Ermənistan-Azərbaycan, Dağlıq Qarabağ münaqişəsi üzrə şəxsi nümayəndəsi postu təsis olunub. Şəxsi nümayəndənin mandatına münaqişə zonasında atəşkəs rejiminə nəzərət, qoşunların təmas xəttində müntəzəm monitorinqlərin keçirilməsi daxildir.


28 avqust 2000 – Prezident Heydər Əliyev Azərbaycanda yeni yaradılan məhkəmə instansiyasının - Apellyasiya Məhkəməsinin üzvlərinin təyinatı ilə bağlı fərman imzalayıb. Fərmana əsasən, aşağı instansiya məhkəmələri ilə Ali Məhkəmə arasında 2-ci pillə rolunu oynayan Apellyasiya Məhkəməsinin 38 hakimi təyin edilib. 


28 avqust 2003 – Prezident Heydər Əliyevin imzaladığı əfv fərmanına əsasən, 70 məhbus, o cümlədən dövlətçiliyə qarşı cinayətlərdə iştiraka görə məhkum edilmiş 44 nəfər azadlığa buraxılıb.   

 

Hazırladı: Vüqar Orxan

 

Bax həmçinin:

►Mədəniyyət gündəliyi 

 

Xəbərlər
Redaktorun seçimi